तुम्ही का जगता आहात?

तुम्ही का जगता आहात?
मी का जगतो आहे?
खरे म्हणजे मरण येत नाही
आणि मारले जात नाही
म्हणून जगतो आहोत.

अवसानघातक्यासारखा तो क्षण
व्यवस्था आणत असते कोणावरही
व्यवस्थेच्या पुजा-यांवरही
आणि व्यवस्थेच्या विरोधकांवरही
विरोध आणि स्विकृती
ओरडून सांगायची
ती तो अवसानघातकी क्षण येईपर्यंतच...

व्यवस्थेच्या मालकांनाही हा क्षण

चुकत नाही बरे!

जगणे आणि मरणे येवढेच सत्य
ते जगते व्यवस्थेच्या चिरंतन
सरणावर
तरीही व्यवस्थेचा मालक व्हायची
आस किती अनावर?