Thursday, May 11, 2017

खिन्न सूर्य!

Image result for sad sun

विश्वात
निनादत राहतात कोलाहल
धुमसत राहतात आक्रोश
येणा-या झुळुकांवर
स्वार असतात
उन्मत्त वासनांचे पशू
सुर्याला मलीन करायची
सुरू असते
अविरत स्पर्धा
गटार झालेल्या समुद्राला
पाठीशी घेत
हताश विव्हळणा-यांना
चेचत नेत!
 उन्मत्त पाशवीपणा
जोमात असतो अगदीच!

हताश प्रयत्नांत मीही
या कोलाहलत्या स्वरांना आवाज देण्याच्या
आक्रोशांना संगीत देण्याच्या
उठून उभे रहात
सूर्यावर साचत चाललेल्या
मळभाला स्वच्छ करण्याच्या
गटारी समुद्रातही
काव्य शोधण्याच्या...

सूर्य खिन्न हसतो
ओंगळ झालेल्या किरणांनी
कुरवाळू पाहतो
काही सांगू पहातो...
कल्लोळाची राने दाटी करून येतात...
त्याचे नि:शब्द शब्दही
बलात्कारित होतात
वेदनांच्या
तांडवात सैरभैर होतात!

1 comment:

  1. सर, वाचून क्षणभर हादरलो. फारच हृदय स्पर्शी

    ReplyDelete

वैदिक व्यवस्थेचे भारतीय समाजव्यवस्थेवरील परिणाम

एतद्देशीय शिव-शक्तीप्रधान हिंदू धर्मात व समन संस्कृतीतून निघालेल्या समाजात व्यवसायनिष्ठ विभाजनी झालेली असली तरी तिला जन्माजात अधिष्ठान नव्हत...