Sunday, October 12, 2014

मी कृतज्ञ आहे....

होय
मी कृतज्ञ आहे
पानाफुलांशी
ओहळ, निर्झर, महानद्या आणि दिगंतापर्यंत पसरलेल्या
तळ नसलेल्या सागरांशी
अगणित आकाशगंगा
आणि धरतीच्या कणाकणाशी
रोजच अंग निथळवणा-या सुर्यकिरणांशी
आत्मा चिंब भिजवत
आसमंत व्यापून राहणा-या
पावसाळ्याशी
कासाविस करणा-या वेदनांना
अंगाई बनणा-या शब्दांशी...

होय,
मी कृतज्ञ आहे
तुमच्या...माझ्या
सर्वांच्या हृदयांतून उसळत असलेल्या
मानवतेच्या
अखंड उद्गारांशी!

4 comments:

  1. अतिशय ओघवते गद्य काव्य - फारच छान !
    अजून लांबले असते तर अजून छान झाले असते
    आम्हाला अजून भिजवून गेले असते आपले बोल !
    आनंद झाला
    श्रावणात घन निळा बरसल्या रिमझिम रेशीम धारा ची आठवण झाली -
    जियो संजय जियो !

    ReplyDelete
    Replies
    1. धन्यवाद आप्पा बाप्पा

      Delete